म अरस्तु बोल्दैछु

युनानी दार्शनिक अरस्तु प्लेटोका शिष्य र सिकन्दर महान्का गुरु थिए । उनका दर्शनले मध्ययुगीन शिक्षालाई व्यापक प्रभावित गरेको छ । यसबाट मध्ययुगमा ईश्लाम र यहुदी विचार बढी प्रभावित थिए भने क्रिश्चियन खासगरी रोमन क्याथोलिक मत आज पनि  उत्तिकै प्रभावित हुँदै आएको छ ।

प्रस्तुत छ,  महान वाणीहरूको बुँदागत प्रस्तुती- 'म अरस्तु बोल्दैछु': 

१. हामी त्यहीँ बन्छौँ जुन कुरा लगातार गर्दै रहन्छौँ । त्यसैले कामले हैन, काम गर्ने बानीले हामीलाई महानताको चुचुरोमा पुर्याउछ ।
२. आशा जागा अवस्थाको सपना हो ।
३. सबैको लागि साथी कसैको पनि साथी होइन ।
४. शिक्षाको जरा तितो हुन्छ तर यसको फल सधैँ मिठो हुन्छ ।
५. हाम्रा खुसीहरू हामीमै निर्भर रहेका हुन्छन् ।
६. म त्यसलाई बहादुर मान्छु, जसले आफैलाई जित्न सक्छ तर त्यसलाई होइन जसले शत्रुलाई जित्दछ ।
७. साहस विना यस संसारमा तिमीले केही पनि गर्न सक्नेछैनौ । साहस नै सफलताको कसी हो ।
८. केही पागलपनको मिश्रण बिना कोही पनि महान विद्वान बन्न सक्दैन ।
९. असल सुरुवात आधा काम सम्पन्न गर्नु हो ।
१०. हामी शान्तिसँग बस्न सकियोस् भनेर युद्ध गर्दछौ ।