यस वर्षको नोबेल शान्ति पुरस्कार पत्रकारलाई

काठमाडौँ – यस वर्षको नोबेल शान्ति पुरस्कार दुईजना पत्रकारलाई दिइने भएको छ । नोबेल पुरस्कारको कमिटीले शुक्रबार पत्रकारद्वय मारिया रेस्सा र दिमित्री मुरातोवले नोबेल शान्ति पुरस्कार दिने निर्णय गरेको हो । 

अभिव्यक्ति स्वतन्त्रताको रक्षाका लागि गरेको योगदान स्वरुप दुवैलाई यो पुरस्कार दिइएको हो । नोबेल पुरस्कारको तर्फबाट गरिएको ट्वीटमा भनिएको छ – दुवैले अभिव्यक्ति स्वतन्त्राको रक्षाका गर्ने प्रयास गरेका छन् जुन लोकतन्त्र र शान्तिको एक जरुरी शर्त हो ।’

मारिया रेस्सा फिलिपिन्सकी चर्चित पत्रकार हुन् जसले रेपलर नामको वेबसाइट चलाउँछिन् । सरकारसँग कडा प्रश्न गरेका कारण उनले फिलिपिन्समा कयौँ अप्ठ्याराहरु भोग्नु परेको छ । रेस्साको जन्म फिलिपिन्समा भए पनि उनी सानैमा अमेरिका पुगेकी थिइन् । त्यहाँ उनले प्रिन्सटन विश्वविद्यालयमा अध्ययन गरेकी थिइन् ।

दिमित्री मुरातोव पनि पत्रकार हुन् र उनले नोवाजा गजेता नामको एक स्वतन्त्र अखबारको स्थापना गरेका छन् । उनी दशकौँदेखि रुसमा अभिव्यक्ति स्वतन्त्रताको पक्षमा आवाज उठाइरहेका छन् ।

BREAKING NEWS:
The Norwegian Nobel Committee has decided to award the 2021 Nobel Peace Prize to Maria Ressa and Dmitry Muratov for their efforts to safeguard freedom of expression, which is a precondition for democracy and lasting peace.#NobelPrize #NobelPeacePrize pic.twitter.com/KHeGG9YOTT

— The Nobel Prize (@NobelPrize) October 8, 2021