रसायनशास्त्रतर्फको नोबेल पुरस्कार दुईजनालाई

एजेन्सी - यसवर्ष रसायनशास्त्रतर्फको नोबेल पुरस्कार दुईजना वैज्ञानिकलाई दिइएकाे छ । पुरस्कृत हुने वैज्ञानिकहरूमा जर्मनीका बेन्जामिन लिस्ट र अमेरिकाका डेभिड डब्ल्यू सी म्याकमिलन रहेका छन् ।  

उनीहरूलाई एसिमेट्रिक अर्गानोक्याटालाइसिसको विकासका लागि उनीहरूलाई यो पुरस्कार दिइएको हो

अर्गानोक्याटालाइसिस द्रुत गतिमा विकसित भइरहेको छ । यी प्रतिक्रियाहरूको उपयोग गरेर अनुसन्धाताहरूले नयाँ औषधिदेखि सोलार सेलमा प्रकाश सोस्ने मोलिक्युलसम्म बनाउन सकिन्छ ।

यसले मोलिक्युलर निर्माणलाई नयाँ स्तरमा पुर्‍याएको छ । यसले गर्दा रसायनशास्त्र थप हरित बनेको छ अनि एसिमेट्रिक मोलिक्युल बनाउन थप सहज बनाएको छ ।