‘डे’ इन हिस्ट्रीः जब मंगलमा पठाइएकाे नासाकाे यान सम्पर्कविहीन भयाे

इतिहास एकदिनमा निर्माण हुँदैन तर इतिहासका लागि हरेक दिन महत्वपूर्ण हुन्छन् । हरेक दिन दुनियाँका कुनाकप्चामा अनेकौँ घटना घट्दछन् । यी घटनाले हामीलाई जीवनमा थप परिष्कृत भएर अघि बढ्ने प्रेरणा दिन्छन् । २५ सेप्टेम्बरले पनि इतिहासमा यही अर्थ राख्छ । आजको दिन विश्वभर त्यस्ता अनेक महत्वपूर्ण घटनाहरू घटे । आउनुस्, इतिहासमा विश्वभर घटित त्यस्ता महत्वपूर्ण घटनाहरूमध्ये एकमाथि दृष्टिगोचर गरौँः

२५ सेप्टेम्बर १९९२ मा अमेरिकाको प्रसिद्ध अन्तरिक्ष एजेन्सी नासाले लञ्च अब्जर्भर नामक मंगल यान अन्तरिक्षमा पठायो । 

नासाले यानमार्फत मंगल ग्रहको वातावरण, मौसम आदिको जानकारी हासिल गर्ने लक्ष्य राखेको थियो । यानको तौल १०१८ किलोग्राम थियो । यो रोबोट मोडलको यान थियो । 

प्रक्षेपित यो यान मंगलमा पुग्नुअघि नै नासाको सम्पर्कबाट बाहिर गयो । नासाको यो असफलताले मंगल ग्रहमा जीवन खोज्ने लक्ष्य एकपटक पुनः विफल भयो । 

यसअघि कयौँपटक अन्य देशले पनि मंगल अभियान सञ्चालन गरेका थिए । तीमध्ये केहीलाई मात्रै सफलता मिलेको थियो । 

पछि २०१२मा नासाको मार्स रोवर नामक यान मंगलमा पुगी त्यसले ठूलो सफलता हासिल गर्यो । त्यही यानमार्फत मंगल ग्रहका अनेकौँ तस्वीरहरू पृथ्वीवासीले देख्न पाए । 

प्रस्तुत सामग्री विभिन्न एजेन्सीहरूको सहयोगमा तयार पारिएको हो । यहाँहरूका सल्लाहसुझाव र प्रतिक्रया अपेक्षित छन् ।