नयाँदिल्लीको एउटा अदालतमा चल्यो गोली, ३ जनाको मृत्यु

काठमाडौँ – भारतको राजधानी नयाँदिल्लीको रोहिणी अदालतमा गोली चलेको छ । अदालतको कोर्ट नम्बर एक परिसरमा शुक्रबार ग्याङ्गफाइट हुँदा गोली चलेको हो । 

हमलाकर्ताले गोली हानेर ग्याङ्गस्टर जितेन्द्र गोगीको हत्या गरेका छन् । उक्त ग्याङ्गफाइटमा गोगीसमेत तीनजना मारिएका छन् । यस घटनामा एक महिला वकिलसमेत तीन व्यक्ति घाइते भएका छन् । 

रिपोर्टका अनुसार गोगी पेशीका लागि अदालत आएका थिए । गोली लागेलगत्तै उनको मृत्यु भएको छ । भारतीय मिडियामा प्रकाशित समाचार अनुसार राइवल टिल्लू ग्याङ्गका दुई सदस्य वकिलको भेषमा आएका थिए । 

उनीहरूले कोर्ट रुम नम्बर २०७ मा न्यायाधीश गगनदीप सिंहको अगाडि नै गोगीमाथि गोली चलाए । प्रहरीको स्पेशल सेलको जवाफी कारवाहीमा दुबैको मृत्यु भयो ।

#UPDATE | The assailants opened fire at gangster Jitender Mann 'Gogi' when he was brought to Delhi's Rohini court by police for a hearing. In retaliation, two attackers were killed. Gogi has been shifted to a hospital: DCP, Rohini

(Visuals from the court) pic.twitter.com/vRUuSfmSwy

— ANI (@ANI) September 24, 2021