अमेरिका: बाढीमा परेर एकै परिवारका तीन जना नेपालीको ज्यान गयाे

काठमाडाैँ - अमेरिकाको न्यु योर्कमा आएको बाढीमा परेर तीन जना नेपालीको ज्यान गएको छ ।

न्यु योर्कमा बस्दै आएका सोलुखुम्बुको दूधकुण्ड नगरपालिका–२ जुनबेसीका एकै परिवारका  तीन जनाको ज्यान गएको युनाइटेड शेर्पा एसोसिएशन (यूएसए) ले जनाएको छ ।

बाढीका कारण आङ गेलु लामा, उनका श्रीमती मिङ्मार शेर्पा र १९ महिने छोरा लोप्साङ लामाको ज्यान गएको एसोसिएशनले जनाएको छ ।

अमेरिकाको उत्तर–पूर्वी राज्यहरुमा आइडा आँधीका कारण आएको भीषण वर्षाका कारण बाढी आएको छ ।  बाढीका कारण न्यु योर्क र न्यु जर्सी सबैभन्दा धेरै प्रभावित भएका छन् ।

बाढीमा परेर अहिलेसम्म ४१ जनाको ज्यान गएको पुष्टि भएको छ । सोलुखुम्बुको दूधकुण्ड नगरपालिकाले पनि उनीहरुकाे ज्यान गएकाे पुष्टि गरेकाे छ।