बैङ्क अफ इङ्गल्याण्डले दास ब्यापारसँग सम्बन्धितका पेन्टिङ्ग हटायो

बेलायतको बैङ्क अफ इङ्गल्याण्डले १८ औं र १९औं शताब्दीको दास ब्यापारसँग जोडिएका गभर्नर तथा निर्देशक सम्बन्धि १० पेन्टिङ्ग तथा अर्धकदका मुर्तिहरुलाई आफ्नो कला संग्रहको सुचिबाट हटाएको छ । शुक्रबार मात्रै उसले यो कुरा बताएको हो । 

गत वर्ष चर्किएको ‘ब्ल्याक्स लाइभ्स म्याटर’को आन्दोलन लगत्तै बेलायतको केन्द्रिय बैंकले आफ्नो संग्रहमा रहेका पेन्टिङ्गबारे छानबिन गर्ने बताएको थियो । ‘छानबिन अहिले सकिएको छ र दास ब्यापारसँग जोडिएका गभर्नर तथा निर्देशक सम्बन्धि कलाहरु सार्वजनिक प्रदशैनीबाट हटाइएको छ’ बैंकका प्रवक्ताले बताएका छन् । 

आफ्नो संग्रहालयका कलाको बारेमा छानबिन गर्न बैंकले दास र दास ब्यापार सम्बन्धि अनुसन्धानरत विज्ञहरु समेत खटाएको थियो । ‘दास ब्यापारीसँगको बैंकको ऐतिहासिक सम्बन्धबारे बुझ्न र संग्रहका कलाबारे सत्यतथ्य जान्नको लागि हामीले विज्ञहरु पनि खटाएका थियौं’ बैंकले जनकारी दिएको छ । 

एजेन्सीको सहयोगमा