मेघालय: बलात्कारको आरोपमा पूर्व विधायकलाई २५ वर्षको सजाय

मेघालय- मेघालयका पूर्व विधानसभा सदस्य (विधायक) जूलियस किटबोक डोरफांगलाई २५ वर्षको सजाय सुनाएको छ । सन् २०१६ मा एक १४ वर्षिया किशोरीलाई बलात्कार गरेको आरोपमा री-भोइ जिल्लाको विशेष अदालतले उनलाई २५ वर्षको सजाय सुनाएको छ । सो समय उनी विधायक रहेको द वाइरले लेखेको छ ।

विशेष न्यायाधीश (बाल यौन अपराध संरक्षण-पोक्सो) फेब्रोनियस सिल्कम संगमाले डोरफांगमाथि १५ लाख भारतीय रुपैयाँ बारबारको जरिवाना समेत तोकेका छन् । डोरफांग अलगाववादी समूह हाइन्नीवट्रेप नेशनल लिवरेशन काउन्सिल (एचएनएलसी)को संस्थापक अध्यक्ष पनि हुन् । 

उनले एचएनएलसी अध्यक्षको भूमिकामा सन् २००७आत्मसमर्पण गरेका थिए, साथै सन् २०१३ मा निदर्लीय उम्मेदवारको रूपमा मावहाटीबाट चुनाव जितेका थिए ।

अदालतले थप तीन व्यक्तिमाथि उमरकैदको सजाय एवं एक-एक लाख जरिवाना लगाएको छ ।डेरिशा मैरी खारबामोन, मामोनी परवीन र उनको सन्दीप विस्वामाथि वेश्यावृति गराएको आरोप लागेको छ ।