अफगानिस्तानः काबुल विमानस्थलबाहिर विष्फाेट, क्षतिको विवरण आउन बाँकी

काठमाडाैँ - अमेरिकी नेतृत्वको सेनाले विमानमार्फत अझै हजारौँको उद्धार बाँकी रहेको बताइरहँदा अफगानिस्तानको काबुल विमानस्थलबाहिर ठूलो विस्फोट भएको अमेरिकी अधिकारीहरूले बताएका छन् । 

अमेरिकी नेतृत्वको पश्चिमी सेनाले विमानस्थल परिसरमा पुगेका हजारौँ मानिसको दैनिक उद्धार गरिरहेका समय विमानस्थल छोड्न तालिबान समूहले चेतावनी दिएको बताइएको छ । विमानस्थलमा एसियाली देशका नागरिकहरू पनि उद्धारको पर्खाइमा रहेका हुन सक्ने अनुमान गरिएको छ ।

काबुल विमानस्थलबाहिर ठूलो विस्फोट भएको र यति बेला विष्फोटबाट भएको हताहतबारे स्पष्ट जानकारी प्राप्त भएको कारणा थप विवरण प्राप्त हुँदासाथ  जानकारी गराइने पेन्टागनका प्रवक्ता जोन कर्बीले  बताएका छन् ।

आत्मघाती बम आक्रमणकारीहरूले विमानस्थलमा आक्रमण गर्ने धम्की दिँदै आएको अमेरिकी र सम्बद्ध अधिकारीहरूले गोप्य सूचना पाएको बताएका छन् ।