एयरपोर्ट छिर्दै गरेका ७ अफगान नागरिकको हत्या

काठमाडौँ- अफगानिस्तानको काबुल अन्तर्राष्ट्रिय विमानस्थलमा प्रवेश गर्न खोज्ने ७ जना अफगान नागरिकको हत्या भएको छ ।

एपी न्यूजले बताएअनुसार अघिल्लो साता तालिबानले देश नियन्त्रणमा लिएसँगै तालिबानी शासनबाट भाग्न खोज्ने अफगान नागरिकका लागि अझै खतरा बाँकी छ । 

एपीले बेलायती सेनालाई उद्धृत गर्दै लेखेकाे समाचारमा अफगास्तिानमा इस्लामिक स्टेट सक्रिय हुन थालेसँगै पछिल्लो घटना भएको उल्लेख छ ।

गत आइतबार तालिबाने अफगानिस्तान आफ्नाे नियन्त्रणमा लिएकाे थियाे । अफगानिस्तानमा नयाँ सरकार गठनकाे तयारी रहेकाे तालिबानबाट अफगान नागरिक भागिरहेका छन् । अगस्ट १५ देखि काबुल विमानस्थलमा हजाराैँकाे भिड लागिरहेकाे छ ।