‘डे’ इन हिस्ट्रीः पहिलाे पब्लिक वेबसाइट लञ्च, चन्द्रमाबाट खिचियाे पहिलाे तस्वीर

इतिहास एकदिनमा निर्माण हुँदैन तर इतिहासका लागि हरेक दिन महत्वपूर्ण हुन्छन् । हरेक दिन दुनियाँका कुनाकप्चामा अनेकौँ घटना घट्दछन् । यी घटनाले हामीलाई जीवनमा थप परिष्कृत भएर अघि बढ्ने प्रेरणा दिन्छन् । २३ अगस्तले पनि इतिहासमा यही अर्थ राख्छ । आजको दिन विश्वभर त्यस्ता अनेक महत्वपूर्ण घटनाहरू घटे । आउनुस्, इतिहासमा विश्वभर घटित त्यस्ता महत्वपूर्ण घटनाहरूलाई दृष्टिगोचर गरौँः

संसारको पहिलो पब्लिक वेबसाइट लन्च

तीन दशक पहिले आजकै दिन पहिलो पब्लिक वेबसाइट लन्च भएपछि इन्टरनेट क्रान्ति शुरू भएको थियो । आज विश्वभर यति धेरै वेबसाइट छन् कि ती सबैको भिजिट गर्न समेत सम्भव छैन । सन् १९९१ अगस्त २३ का दिन पब्लिक वेबसाइट लन्च भएसँगै सो दिनलाई ‘इन्टरनेट डे’ समेत भनिन्छ ।  

संसारकै पहिलो वेबसाइट टिम बर्नर्स लीले डिजाइन गरेका थिए । उनी ऋभ्च्ल् ९यूरोपियन काउंसिल फर न्यूक्लियर रिसर्च०मा सफ्टवेयर इन्जिनियर थिए । 

टिम बर्नर्स ली । पहिलो पब्लिक वेब निर्माता

चन्द्रमाबाट लिइयो पृथ्वीको पहिलो तस्वीर

सन् १९६६ अगस्त २३ का दिन दुनियाँसामु पृथ्वीको ‘फस्ट लुक’ सार्वजनिक भयो । नासाद्वारा प्रक्षेपित यानले चन्द्रमाको अर्बिटबाट आजकै दिन पृथ्वीको तस्वीर कैद गरी सार्वजनिक गरिएको थियो । जसको नाम चन्द्र अर्बिटर १ थियो ।
प्रक्षेपित यान अर्थात स्पेसक्राफ्ट मानवरहित थियो । यद्यपि यो यान चन्द्रमाको अर्बिटमा पठाउनुको उद्देश्य पृथ्वीको फोटो खिच्नु थिएन । अपितु, यसको उद्देश्य त चन्द्रमामा अन्तरिक्ष यानहरूको ल्यान्डिङ साइटबारे पत्ता लाउनु थियो । चन्द्रको अर्बिटबाट खिचिएका ती तस्वीरहरू श्यामश्वेत थिए । 

चन्द्रमाबाट खिचिएको पृथ्वीको पहिलो तस्वीर । स्रोतः टाइम

महात्मा गान्धी भए रिहा 

भारतले ब्रिटिश प्रशासकहरूका विरुद्ध शुरू गरेको शान्तिपूर्ण स्वतन्त्रता आन्दोलन तथा वैदेशिक वस्तु बहिष्कार अभियानबाट सर्वस्वीकार्य नेता महात्मा गान्धी ४ अगस्त १९९३ मा पक्राउ परे । पश्चात उनले जेलभित्रै अनशन शुरू गरे र उनको खस्किँदो स्वास्थ्यस्थितिका कारण उनलाई २३ अगस्तमा निशर्त छोडियो । 

मार्चमा सहभागी हुँदै महात्मा गान्धी । तस्वीरः टाइम

छापियो पहिलो बाइबल

आधुनिक प्रिन्टीङ प्रविधिका जनक मानिने योहानेस गुटनबर्गले सन् १४३९ मा प्रिन्टीङ प्रेस बनाएका थिए । जसका कारण प्रिन्टीङको दुनियाँमा नयाँ क्रान्ति शुरू भयो । उनको प्रिन्टिङ प्रेसले दिनमा हजार भन्दा बढी पेज छाप्न सक्थ्यो । जबकि यसअघिका प्रेसले दिनमा ५० (६० पेज मात्र छाप्थे । 

गुटनबर्गको यही प्रेसद्वारा संसारको पहिलो बाइबल छापियो । जसलाई गुटनबर्गको बाइबल भनिन्छ । हाल संसारभर २१ वटा गुटनबर्ग बाइबल छन् । 

न्यूयोर्कको सार्वजनिक पुस्तकालयमा रहेको गुटनबर्ग बाइबल

प्रस्तुत सामग्री विभिन्न एजेन्सीहरूकाे सहयाेगमा तयार पारिएकाे हाे । यहाँहरूका सल्लाहसुझाव र प्रतिक्रया अपेक्षित छन् । 

थपः डे इन हिस्ट्रीः लियोन ट्रोट्स्कीकाे हत्यादेखि रेल दुर्घटनासम्म

      ‘डे’ इन हिस्ट्रीः जब नेपालमा एकैदिन ७५० जनाको मृत्यु भयो