मुगु दुर्घटनाका मृतक सबैको सनाखत

काठमाडौँ – मुगुको छायानाथ गाउँपालिका ७ पिना खोलामा बस दुर्घटना हुँदा मृत्यु हुने सबैको शव सनाखत भएकाे छ । दुर्घटनामा मृत्यु भएका ३२ जनाको सनाखत भएको हाे ।

कर्णाली प्रदेश प्रहरी कार्यालयका अनुसार सनाखत हुनेमा चालक ३५ वर्षीय दानबहादुर रावल, १९ वर्षीया लग्न सेजुवाल, लग्न सेजुवालको २ वर्षीय छोरा, २० वर्षीया मनदेवी बम, १८ वर्षीया पूजा बुढा, ३३ वर्षीय प्यारी वि।,२२ वर्षीय सन्तोष वितालु, २२ वर्षीय छाँता साउँद, २० वर्षीया सरिता खड्का, २२ वर्षीय छोरा कर्ण सिंह बुढा, २५ वर्षीय छोरा मनरुप कुमाल, २३ वर्षीया चन्द्रादेवी मल्ल, १९ वर्षीया छोरी राममाया भाम, १८ वर्षीय अम्मर साउँद, २२ वर्षीय प्रकाश बुढा, २९ वर्षीय अजय कार्की, ३२ वर्षीया कमला विसी रावत रहेका छन् ।  

त्यस्तै, २२ वर्षीय सुनबहादुर वि।क, १९ वर्षीय छोरा शिव बुढा, २१ वर्षीया अमृता शाही, वडा ७ बस्ने मृतक अमृता शाहीका ५ वर्षीय छोरा, २० वर्षीय छोरा रुपसिंह कार्की, २२ वर्षीय महेन्द्र शाही, २२ वर्षीय प्रदिप स्वर्णकार, १८ वर्षीय चन्द्रप्रकाश भाम, १२ वर्षीय आदित्य विक्रम शाहको सनाखत भएको छ । २८ वर्षीय टोपबहादुर विष्ट, २३ वर्षीय आईत सिंह कामी, १८ वर्षीय नवीन बुढा, ३३ वर्षीया भगवती चन्द, १६ वर्षीय सस्मिता बम, १८ वर्षीय बसन्त भण्डारीको मृत्यु भएको थियो ।

४६ जना सवार बस मंगलबार दिउँसो पौने २ बजे दुर्घटनामा परेको थियो । दुर्घटनामा १३ जना घाइते भएका थिए । उनीहरूको अहिले नेपालगञ्ज र जिल्ला अस्पताल मुगमा उपचार भइरहेको जनाइएको छ ।