जुवा खेल्न नमान्दा निर्घात कुटपिट

बैतडी - जुवातास खेल्न नमानेकाे भन्दै बैतडीमा एकजनामाथि कुटपिट भएको छ ।

जुवातास खेल्न नमानेकाे भन्दै बैतडीकाे डिलाशैनी गाउँपालिकाका वडा - १ का ५७ वर्षीय अकबर रानामाथि कुटपिट भएकाे हाे । उनलाई स्थानीय व्यापारी महावीर धामीले निर्घात कुटपिट गरेका हुन् ।

रातको समयमा मदिरा सेवन गरेका धामीले जुवा खेल्न नमान्दा रानामाथी कुटपिट गरेको पीडित रानाका छोरा महेश रानाले बताए । रानालाई घरबाट जबरजस्ती आफ्नो पसलमा लगेर कुटपिट गरिएको उनले बताए ।

कुटपिटबाट रानाको टाउको, नाक, मुख र आँखामा चोट लागेको छ । घटनाका विषयमा प्रहरीलाई खबर गरेपछि प्रहरीले दुवै पक्षलाई सिमार प्रहरीचौकीमा बोलाएको छ ।