मुड

नेपाली लोक नृत्यलाई संस्थागत गरेर विधाको रूपमा विकसित गर्न महत्त्वपूर्ण योगदान दिने बहुआयामिक प्रतिभाको धनी व्यक्तित्व हुन् नृत्यगुरु भैरवबहादुर थापा । 

नेपाली लोकनृत्यका प्रवर्तक, लोक संस्कृतिका अन्यान्य पक्षमा समर्पित साधक, स्रष्टा, शिल्पी र अध्येता भैरव बहादुर थापाले आजसम्म कसैले लेख्न आँट गर्न नसकेको कलात्मक-शास्त्रीय कृति रचेर नेपालको गौरव बढाएका छन् । 

६५ वर्ष लगाएर नाचको प्राविधिक पाटोलाई समेटेर उनले ‘नृत्याक्षर विज्ञान’ नामाक एक अभूतपूर्व कृति तयार पारेका छन्, जसले ०७८ को जगदम्बा श्री पुरस्कार समेत प्राप्त गर्यो । 

काठमाडौं उपत्यकाको कला, संस्कृतिलाई प्रचारप्रसार गर्न आफ्नै अग्रसरतामा उनले विस २०१० मा ‘भैरव नृत्य दल’ सुरु गरेका थिए, जसबाट उनले विभिन्न कार्यक्रमहरू भारत, चीन एवं युरोपेली देशहरूसम्म पुर्याई नेपाली लोक-संस्कृतिको प्रदर्शन गर्ने-गराउने काम गरेका छन् । यसकारण उनी नेपालको पहिलो सांस्कृतिक सूत्राधार समेत हुन् । थापा नेपाली मूकनाट्य (ब्याले) र गीतिनाट्य (अपेरा)को सुरुवात गर्ने प्रथम सर्जक हुन् । 

९० वर्ष पुगेका उनी अझै पनि फुर्तिला देखिन्छन् । गोलो अनुहार, हँसिलो मिजास अनि आकर्षक ‘वाक् शैली' भएका उनै नृत्यगुरु भैरवबहादुर थापासँग ‘द मार्जिन’ले गरेको कुराकानीका क्रममा उनको 'मुड'लाई यसरी कैद गर्ने प्रयास गरिएको छः