रुबाइयात| The Margin Media

अ अ अ

लेख्दा लेख्दै थाकेको कुरा कलमलाई सोध

कति गहिरो हुन्छ लागेको चोट मलमलाई सोध

जीवनलाई सुन्दर रूप दिन कति कठिनाई छ

गलेर पिटिएर स्वरूप बनिने फलामलाई सोध ।

जिन्दगी बगिरहने खोला जस्तै हो

जिन्दगी चुहिरहने झोला जस्तै हो

खै कसले कति बुझ्यो जिन्दगीलाई

जिन्दगी घोँचिरहने सोला जस्तै हो ।

मेरा सपनाहरू आज माटोसँगै रूँदैछन्

बिपनाहरू भत्केको बाटोसँगै रूँदैछन्

पार गर्नु थियो मुक्तिको गहिरो सागर

आकांक्षाहरू घाउको पाटोसँगै रूँदैछन् ।

यदि तपाईंसँग कुनै लेखरचना वा मूलधारका मिडियाबाट किनारीकृत मुद्दा तथा विषयहरू छन् भने हामीलाई [email protected] मा पठाउनुहोस् ।

रुबाइयात