कविता: म अधीर भएर तिम्रो प्रेममा डुबेको छु

केइथ हान्क बिल्कुलै सुनिएको नाम होइन । तर उनको कविता ‘होपलेस्ली इन लव’ विश्वमा उत्कृष्ट प्रेम कवितामा दरिन्छ ।

प्रश्तुत छ उनको कविताको नेपाली भावानुवाद ‘म अधिर भएर तिम्रो प्रेममा डुबेको छुः'

–केइथ हान्क

तिमीलाई भेट्नु अघि,

लाग्थ्यो म कदाचित कसैलाई प्रेम गर्न सक्दिन

किनकी, मलाई लाग्थ्यो

कसैले पनि मेरो हृदयको निस्सारतालाई भर्न सक्ने छैन

तर, जब मैले तिमीलाई भेटे,

 यि सबै चिज बदलिए ।

लगत्तै मलाई महशुस भयो

तिमी त सँधै मेरो मन मथिङ्गलमा अवस्थित छौ ।

तिमी हँसिलो र प्रिय छौ,

मेरो ओठमा मुस्कान भरिदिन्छौं,

मेरा आवेग र वेदना सबै एकाएक विलुप्त पारिदिन्छौ ।

म कमजोर हुन्छु जब तिमी सँग बोल्छु

त्यसपछि त हो

मैले तिम्रा नाममा कविता कोर्न थालेको ।

अहिले मैले आत्मवोध गरिसकेको छु,

म अधीर भएर तिम्रो प्रेममा डुबेको छु ।