आजको फोटो : अन्नपुर्ण वेस क्याम्प जाँदाजाँदै

सन् २०१९ अक्टुवर २८ का दिन । अन्नपुर्ण वेस क्याम्प यात्राको चौँथो दिनको विहानी । हामी चोम्रोमबाट देउरालीसम्मको यात्रामा थियौं । रहरको यात्रामा थाकेर हिँडिरहेको बेला एकजना मान्छे नाम्लोमा ठूलो पानीको ट्यांकी बोकेर उकालो चढिरहेको थियो । त्यो उकालो जहाँ हामी खाली शरिर ओरालो झर्न आनाकानी गरिरहेको थियौं । उनलाई देखेर हामी आफैसँग लजाएका थियौं । मान्छेलाई भारी बोकेर करको उकालो हिँड्ने बाध्यता छ । हामी भने रहरको ओरालो झर्न पनि गाह्रो मानिरहेका थियौं । अरु केही गर्न नसके‘नि त्यसक्षण मोबाइलबाट उनको तस्वीर लिएको थिएँ । आज भावनात्क हिसाबमा उनको सम्मानमा यो फोटो राख्न चाहेँ । सबै सबै श्रमिकको जय होस् ।