ᤕᤠᤰᤌᤢᤱ ᤃᤈᤸ| The Margin Media

अ अ अ

ᤗᤠᤈᤣ᤹ ᤏᤢ ᤛᤡᤱᤒᤢᤱ ᤀᤠᤗᤧᤖᤢᤶ ᤀᤠᤎᤠᤶ, ᤜᤡᤶᤎᤠ᤺ᤱᤜᤠ᤹ ᤀᤧᤳᤇᤠᤛᤠ ᤁᤧᤒᤠᤣ᤺ᤰᤂᤠ ᤔᤧᤶᤒᤡ
ᤐᤠᤗᤠᤶ ᤏᤢ ᤂᤩᤠᤗᤡ ᤃ ᤀᤠᤗᤧᤖᤢᤶᤖᤧᤳᤇ, ᤁᤣᤗᤠ᤺ᤱᤜᤠ᤹ ᤀᤧᤳᤇᤠᤛᤠ ᤁᤧᤒᤠᤣ᤺ᤰᤂᤠ ᤔᤧᤶᤒᤡ

ᤁᤥᤕᤧᤶᤒᤠ ᤕᤧᤶᤏᤢ ᤌᤣ ᤋᤩᤧᤀᤡ ᤋᤩᤧᤀᤡ, ᤀᤠᤗᤧᤖᤢᤶ ᤀᤠᤍᤣᤛᤢᤶ ᤋᤣ᤺ᤳᤑᤢᤱᤅᤣ ᤆᤠᤱᤔᤠ
ᤋᤠᤃᤠ ᤏᤢ ᤔᤣ᤺ᤰᤗᤡ ᤕᤠᤰᤌᤢᤱᤒᤠᤜᤠ᤹ᤖᤧᤴ ᤋᤣ᤺ᤳᤆᤠᤱᤜᤠ᤹ ᤀᤧᤳᤇᤠᤛᤠ ᤁᤧᤒᤠᤣ᤺ᤰᤂᤠ ᤔᤧᤶᤒᤡ

ᤀᤧᤳᤇᤠᤛᤠ ᤔᤧᤵᤔᤠᤃ ᤐᤠᤔᤠ᤹ᤀᤣ ᤔᤠᤔᤠ᤹ᤀᤣ ᤐᤠᤣ᤺ᤱᤔᤠᤀᤠᤱ ᤘᤠᤔᤠᤴᤏᤣ ᤀᤠᤔᤧᤳᤋᤢᤶ ᤔᤧᤶᤒᤡ
ᤁ᤹ᤀᤥ ᤃ ᤛᤠᤔᤠ᤹ᤀᤣ ᤐᤠᤜᤠ᤹ᤏᤢ ᤔᤠᤜᤠ᤹ ᤜᤡᤶᤔᤠᤱᤜᤠ᤹ ᤀᤧᤳᤇᤠᤛᤠ ᤁᤧᤒᤠᤣ᤺ᤰᤂᤠ ᤔᤧᤶᤒᤡ

ᤔᤠᤰᤂᤡᤘᤠ ᤁᤠ᤹ᤀᤡ ᤛᤠᤵᤛᤡᤱᤅᤠᤱ ᤕᤧᤒᤣ, ᤀᤡᤏᤥᤃᤧᤴ ᤋᤢᤰᤂᤣᤀᤥ ᤏᤡᤛᤡᤱᤔᤠᤜᤠᤣ᤺ᤵ
ᤏᤡᤱᤘᤠ᤹ᤖᤧ ᤀᤡ᤺ᤳᤋᤢ, ᤗᤢᤱᤔᤠ᤹ᤖᤧ ᤕᤠᤣ᤺ᤴᤍᤢ, ᤜᤢᤰᤗᤠᤱᤜᤠ᤹ ᤀᤧᤳᤇᤠᤛᤠ ᤔᤧᤒᤠᤣ᤺ᤰᤂᤧ ᤔᤧᤶᤒᤡ

यदि तपाईंसँग कुनै लेखरचना वा मूलधारका मिडियाबाट किनारीकृत मुद्दा तथा विषयहरू छन् भने हामीलाई [email protected] मा पठाउनुहोस् ।

ᤕᤠᤰᤌᤢᤱ ᤃᤈᤸ