चन्द्रागिरिमा हिउँ पर्‍याे

काठमाडौं- बुधबार बिहान राजधानी काठमाडौंलगायत मुलुकका अधिकांश स्थानमा हल्का वर्षा भइरहेको छ । काठमाडौं उपत्यकामा बिहानदेखि  पानी परेको छ भने उपत्यका आसपासका डाँडाहरूमा  हिमपात भएको छ । काठमाडौंको चन्द्रागिरि डाँडामा हिमपात भएको छ । 
पश्चिमी न्यून चापीय प्रणालीको प्रभावका कारण वर्षासँगै उच्च पहाडी तथा हिमाली क्षेत्रमा हिमपात समेत भइरहेको जल तथा मौसम विज्ञान विभागले जनाएको छ। ।

विभागका अनुसार दिउँसो समान्य र पूर्ण बदली भई मध्यम वर्षा हुन सक्नेछ । अधिकांश उच्च पहाडी क्षेत्रमा हिमपातको सम्भावना रहेको छ । उच्च पहाडी र हिमाली क्षेत्रमा हिमपात हुने तथा मौसममा बदली हुँदा हवाई यातायात एवम् सामान्य जनजीवनमा समेत प्रतिकूल असर पर्ने विभागले जनाएको छ।

यस्तै विभागले चिसो बढ्न सक्ने भन्दै त्यसबाट बच्न सर्वसाधारणलाई आग्रह गरेको छ।