कांग्रेस महाधिवेशन : ११ बजेसम्म उम्मेदवारी फिर्ता लिइसक्नुपर्ने, लगत्तै अन्तिम नामावली

काठमाडौ- नेपाली कांग्रेसको जारी महाधिवेशनमा शनिबार परेका उम्मेदवारी फिर्ता लिनका लागि आज बिहान ११ बजेसम्मका लागि समय छुट्याइएको छ । कांग्रेस निर्वाचन समितिका अनुसार ११ बजेसम्म उम्मेदवारी फिर्ताका लागि समय ताेकिएकाे छ । 

त्यसपछि उम्मेदवारको अन्तिम नामावली प्रकाशन हुनेछ । निर्वाचन समितिले उम्मेदवारहरूकाे प्रारम्भिक सूची शनिबार नै प्रकाशित गरेकाे थियाे । जसअनुसार १३४ पदका लागि ५४८ जनाको उम्मेदवारी परेको छ ।

सभापतिका लागि मात्रै ६ जनाको उम्मेदवारी परेको छ । शेरबहादुर देउवा, शेखर काेइराला, प्रकाशमान सिह, कल्याणकुमार गुरुङ  र युवराज न्यौपानेले सभापतिका लागि उम्मेदवारी दिएका छन् । 

उम्मेदवारकाे अन्तिम नामावली आज प्रकाशित हुने र भाेलि बिहान ८ बजेदेखि मतदान हुने कार्यतालिका निर्वाचन समितिले सार्वजनिक गरेकाे छ । 

राष्ट्रियसभा गृह, महेन्द्र पुलिस क्लब र भृकुटीमण्डप गरि तीन स्थानमा मतदानको व्यवस्था मिलाइने जनाइएको छ ।महाधिवेशन प्रतिनिधिको संख्या ४ हजार ७४३ रहेको निर्वाचन समितिले जनाएको छ ।