पहिरोमा बेपत्ता भएकाहरूलाई खोज्दै प्रहरी

पाँचथर — पहिरोमा परेर ९ दिनदेखि बेपत्ता भएका पाँचथरको मिक्लाजुङ गाउँपालिकाका तीनजना नागरिकको खोजी कार्य भईरहेको छ । 
प्रहरीले बेपत्ता भएकाहरुलाई  तालिमप्राप्त कुकुरको सहयोग लिएर खोजी गरिरहेको चार दिन भईसकेको छ ।
पहिरोमा परि हराउनेमा मिक्लाजुङ ५ को चिसापानी पञ्चमीमा माङसेवुङ स्वास्थ चौकी इलामका इन्चार्ज ठाकुरप्रसाद याक्खा र अहेव सुमन राईसँगै मिक्लाजुङ ४ रबिमा सुबोध राई रहेका छन् । उनीहरु कात्तिक ३ गतेदेखि हराएका हुन्।
पहिरोमा पर्दा कात्तिक २ गते जिल्लाको मिक्लाजुङ गााउँपालिकामा मात्रै २२ जनाको ज्यान गएको थियो । कात्तिक २ र ३ गते पाँचथरका मात्रै ३१ जनाले ज्यान गुमाएका थिए ।

उनीहरुको खोजी कार्य शनिबार पनि जारी रहने बताइएको छ ।