असारसम्म सिमकोटमा सडक पुर्याउने गरि निर्माण कार्य सुरु

काठमाडौँ- सदरमुकामसम्म सडक पुग्न बाँकी रहेको हुम्लाको सिमकोटमा चालू आर्थिक वर्ष २०७८/७९ भित्र सडक पुर्याउने गरि निर्माण कार्य अघि बढाइने भएको छ ।

सतहत्तर जिल्लामध्ये हुम्ला सदरमुकाम मात्रै अहिलेसम्म सडक सञ्जालसँग जोडिएको छैन । ट्र्याक खोल्न नै बाँकी रहेको असजिलो सडकखण्डमा सेनाले तिहारलगत्तै काम सुरु गर्ने भएको छ ।

सरकारले ट्र्याक खोल्न बाँकी रहेको १० किमी  मध्ये ७  किमि कठिन भूगोलमा सेनालाई जिम्मेवारी दिएको छ भने ३ किमीमा  सडक विभागले निर्माण अघि बढाइरहेको छ ।

वर्षा र हिमपातले असहज अवस्था नआएमा, जसरी पनि असारसम्म सडक बन्ने  योजनाका प्रमुख बिसुनदास लामाले बताए । यस वर्ष वर्षाका कारण सडक निर्माणमा अवरोध पुगेको थियो । बाजुरा र कालीकोटको सडक अवरुद्ध हुँदा इन्धन ल्याउन ढिलाइ भएको थियो।

सबै राष्ट्रिय राजमार्ग दुई लेन निर्माण गर्ने सरकारको योजनाअनुसार सो राजमार्ग  योजना अनुसार निर्माण भइरहेको छ ।