सामुन्द्रिक आँधीका कारण मुम्बइमा १२७ जना वेपत्ता

भारतीय शहर मुम्बइमा सामुन्द्रिक आँधीका कारण १२७ जना हराइरहेको बताइएको छ । मंगलबार ती व्यक्ति वेपत्ता भएको बताइएको छ ।

ति व्यक्तिहरु डुंगामा सवार थिए भने मुम्बइमा आएको सामुन्द्रिक आँधीले हिन्द महासागरमा रहेको त्यो ठूलो डुंगा डुब्न पुगेको थियो । त्यसमा परी कम्तीमा पनि १२७ जना व्यक्ति बेपत्ता भएको बताइएको छ ।

उक्त डुंगामा २७३ जना यात्रु रहेका भारतीय जल सैनिक संगठनले जनाएको छ । भारतीय जल सैनिकका प्रवक्ताले एक विज्ञप्ति प्रकाशन गरेर दिएको जानकारीमा जल सैनिकले १४६ जनाको सकुशल उद्धार गरेर निकालेको छ ।

सो डुंगामा रहेका अरु १२७ जना अहिले पनि हराइरहेका बताइएको छ । उनीहरुको खोजी कार्य जारी रहेको बताइएको छ । मुम्बई हाइटको समुद्रमा सो डुंगा रहेका बेलामा मंगलबार टाउकटी नामक चक्रवातले सो क्षेत्रलाई प्रभावित पारेको थियो ।

मंगलबार प्रति घन्टा १८५ किलोमीटरका दरले सो चक्रवात आएको थियो । त्यो चक्रवातले भारतका अरु क्षेत्रमा पनि ठूलो असर गरेको छ । भारतको गुजरातको समुद्रिक किनारनजिकै पनि यसले प्रभावित बनाएको छ । कतै यस चक्रवातका कारण पहिरो समेत गएको पनि भारतीय अधिकारीहरुले जानकारी दिएका छन् । 

(एजेन्सीको सहयोगमा)