नेपालमा ९८ वर्षीय वृद्धमा भेटियो ‘ओमिक्रोन’ भेरियन्ट

काठमाडौँ- नेपालमा थप एक जनामा कोरोना भाइरसको ‘ओमिक्रोन’ भेरियन्टको सङ्क्रमण पुष्टि भएको छ ।  स्वास्थ्य तथा जनसङ्ख्या मन्त्रालयको अनुसार नियमित जिन सिक्वेन्सिङका क्रममा आज एक जनामा ओमिक्रोन र २२ जनामा डेल्टा भेरियन्ट पुष्टि भएको हो ।

मन्त्रालयका अनुसार ९८ वर्षीय वृद्धमा ओमिक्रोन पुष्टि भएको हो ।

यसअघि नेपालमा २ जनामा यो भेरियन्ट पुष्टि भएको थियो । पछिल्लो २४ घण्टामा २७२ जना सङ्क्रमणमुक्त भएका छन् । साथै, थप २३६ जनामा संक्रमण पुष्टि भएको छ । 

त्यसैगरी पछिल्ला २४ घण्टामा  कोरोना भाइरसको सङ्क्रमणबाट दुई जनाको मृत्यु भएको छ ।