कोरोनाका कारण अमेरिकामा एक लाख ४० हजार बच्चा अभिभावक विहिन

एजेन्सी- कोरोनाको महामारीका कारण अमेरिकामा एक लाख ४० हजारभन्दा बढी बालबालिका अभिभावक विहिन भएका छन् ।

‘विजनेश इन्साइडर’ले तयार पारेको प्रतिवेदन अनुसार  हरेक ५०० मध्ये एक जना अभिभावक विहिन हुनु परेको देखिएको छ । 

अभिभावक विहिन भएपछि बालबालिका  जीवनमा दिर्घकालिन असर परेको उल्लेख छ । 

 बालबालिकाहरुले मनोवैज्ञानिक तथा आर्थिक समस्या भोग्नु परेको अधिकारीहरुले जनाएका छन् । 

अभिभावक गुमाएका बालबालिकाहरु मध्ये धेरै बालबालिकाहरु अल्पसङ्ख्यक तथा सानो समुदायका रहेको पाइएको छ ।

कोरोनाका कारण मृत्यु भएका, सङ्क्रमित भएका र अहिले पनि सङ्क्रमित अवस्थामै रहेकाहरुको सङ्ख्या अमेरिकामै सवैभन्दा धेरै रहेको छ ।
अमेरिकामा कोरोनाका कारण अहिलेसम्म सात लाख ६४ हजारभन्दा बढीको मृत्यु भएको छन् ।
(एजेन्सीहरुको सहयोगमा)