सडक पुनःनिर्माण नहुँदा एम्बुलेन्स प्रयोगविहीन : बिरामीलाई सास्ती

दार्चुला- गत असारदेखि पारिबगर खण्डेश्वरी जोड्ने सडक अवरुद्ध हुँदा बिरामीलाई समस्या भएको छ । 

सडक अवरुद्ध हुँदा बिरामीलाई डोको र स्टेचरमा बोकेर अस्पताल लैजानु परिरहेको छ । 

नजिक अस्पताल नभएकाले बिरामीलाई गोकुलेश्वर, दार्चुला सदरमुकाम खलङ्गा र धनगढी लैजान घण्टौँ बोक्नुपर्ने अवस्था छ । 

उक्त क्षेत्रमा सुविधा सम्पन्न अस्पताल छैनन् । सरकारले घोषणा गरेको दश श्ययाको अस्पताल निर्माण हुनसकेको छैन् ।

अहिले स्वास्थ्यचौकीका भरमा उपचार गरिरहनु परेको छ । 

सडक पुनःनिर्माण नहुँदा गाउँपालिकाले खरिद गरेको एम्बुलेन्ससमेत प्रयोगविहीन बनेको छ ।