काठमाडाैँ । सप्तरीको सप्तकोसी नगरपालिका–२ मा नेकपा (एमाले) प्यानलसहित विजयी भएको छ । 

भर्खरै प्राप्त परिणाम अनुसार १२० मतको अन्तरले एमालेका जाहिर हुसेन वडाध्यक्षमा निर्वाचित हुनुभयाे । उनले ४६८ मत ल्याउए भने उनका निकटतम प्रतिद्वन्द्वी नेकपा (माओवादी केन्द्र) का मधुकरप्रसाद चौधरीले ३४८ मत प्राप्त गरे ।
    
खुला सदस्यमा एमालेका रवीन्द्रनाथ चौधरी र नवराज अधिकारी तथा महिला सदस्यमा पानोकुमारी राजधानी र दलित महिला सदस्यमा रामसतीदेवी राम विजयी हुनुभयाे । उक्त वडामा एमाले, कांग्रेस, माओवादी र राप्रपाका उम्मेदवारले प्रतिस्पर्धा गरेका थिए । सप्तकोसी नगरपालिका–१ मा एमालेलाई पराजित गरी कांग्रेसले प्यानल सहित जित हासिल गरेको थियो । 

यसैगरी पछिल्लो मतपरिणामअनुसार नगरप्रमुखमा कांग्रेसका कृष्णप्रसाद ढकालले एक हजार ४२७ मत ल्याएर अग्रता कायम गरेको छ भने उनका निकटतम् प्रतिस्पर्धी एमालेका उत्तमकुमार शर्माको ८९९ मत प्राप्त गर्नुभएको छ । त्यस्तै उपप्रमुखमा कांग्रेसकी रीताकुमारी चौधरीले एक हजार १२१ र एमालेकी सङ्गिता चौधरीले ९०० मत प्राप्त गर्नुभएको छ । 

सप्तकोसी नगरपालिकामा कूल १५ हजार ४२१ मत खसेको छ । वडा नं २ मा जम्मा एक हजार २४७ मत खसेको थियो । 

यदि तपाईंसँग कुनै लेखरचना वा मूलधारका मिडियाबाट किनारीकृत मुद्दा तथा विषयहरू छन् भने हामीलाई [email protected] मा पठाउनुहोस् ।

द मार्जिन

लेखकबाट थप...