जब बालेन र स्थापितले एकअर्कालाई अँगालो हाले

काठमाडौँ । काठमाडौँ महानगरपालिकाबाट नेपाल कम्युनिस्ट पार्टी (एमाले) का मेयर उम्मेदवार र स्वतन्त्र उम्मेदवार बिच जम्काभेट भएको छ । चुनावी प्रचारप्रसारका क्रममा घरदैलोका अभियानमा रहेका दुई उम्मेदवारबिच नगरको शान्तिनगर क्षेत्रमा भेट भएको हो ।

दुई उम्मेदवारहरू स्थापित र शाहको भेट सौहार्दपूर्ण भएको थियो । भेटका क्रममा स्थापित र बालेनले एकअर्कालाई अँगालो हाल्दै जितका लागि शुभकामना दिएका थिए । बालेनको चुनावी प्रचारप्रसार समितिका सदस्य विवेक बास्तोलाका अनुसार दुई उम्मेदवारबिच शुभकामना आदानप्रदान भएको हो ।

प्रचारप्रसारका क्रममा बालेनप्रति आक्रामक देखिने स्थापितले पनि बालेनको विजयको कामना गरेका थिए ।