फेवातालमा एक महिलाको शव तैरिरहेकाे अवस्था

काठमाडाैँ । आज बिहान पोखराको फेवातालमा एक महिला मृत अवस्थामा भेटिएकी छिन्। 

अन्दाजी ४०/४५ वर्ष उमेरको जस्तो देखिने ती महिलाको शरीरमा कुनै चोट पटक र दाग नदेखिएको जिल्ला प्रहरी कार्यालय कास्कीका प्रमुख एसपी रमेश थापाले जानकारी दिए । फेवातालको बीच भागमा रहेको बाराही मन्दिर भन्दा पारि पट्टि पोखरा महानगरपालिका वडा नं .२२ चिसापानी जंगल तल  फेवातालको  किनारमा उनको शव भेटिएको  प्रहरीले जानकारी दिए ।

महिलाको शव एक दिन अघि मृत्यु भएको जस्तो देखिने उनकाे शव पानीले ढाडिएको अवस्थामा देखिएको बताए ।

वर्ण कल्साउँदो, मंगोलियन अनुहार, मोटो शरिर, बाँया हातको साईली औंलामा रातो पत्थर सहितको पहेँलो औंठी लगाएकी रातो चुरा लगाएकी, उचाई ५ फिट, खैरो रंगको टिसर्ट, नीलो सुरुवाल लगाएकी ती महिलाको पहिचानका लागि प्रहरीले आज फोटो पनि सार्वजनिक गरेको छ।