विश्वकप छनोटको तयारीका लागि नेपाली महिला क्रिकेट टोली बंगलादेश प्रस्थान

काठमाडौँ - अर्को महिना युएईमा हुने आईसीसी वुमन्स टी२० विश्वकप एसिया छनोट अघि तयारीको लागि नेपाली महिला क्रिकेट टोली आज बंगलादेश प्रस्थान गरेको छ ।

टोली  एक हप्ताको अभ्यासको लागि बंगलादेश निस्केको हो ।

नेपाली टोलीले कात्तिक २५ गते सम्म बंगलादेशमा चार अभ्यास खेल खेल्नेछ ।
 त्यसलगत्तै महिला टोली कतार भ्रमणमा जानेछ । नेपाली टोलीले कार्तिक ३०, मंसिर १ र २ गते नोभेम्बर १६, १७ र १८० मा कतारसँग तीन टी२० आई सिरिज खेल्नेछ ।

त्यसपछि मंसिर ३ मा टोली युएईतर्फ लाग्ने छ । एसिया छनोट मंसिर ६ देखि १२ सम्म ९नोभेम्बर २२ देखि २८० सम्म हुनेछ ।

सन् २०२३ मा दक्षिण अफ्रिकामा हुने टी२० विश्वकपको लागि नेपालसहित ६ राष्ट्रले ग्लोबल छनोटको लागि युएईमा एसिया छनोट खेल्न लागेका हुन् ।

नेपालले पहिलो खेल मंसिर ६ गते हङकङसँग खेल्नेछ। त्यसको भोली पल्ट भुटानसँग प्रतिस्पर्धा गर्ने नेपालले मंसिर ९ गते कुवेत, मंसिर १० गते मलेसिया र मंसिर १२ गते युएईसँग प्रतिस्पर्धा गर्नेछ ।

टोलीमा कप्तान रुबिना क्षेत्री बेलबासे सहित सीता रानामगर, डली भट्ट, करुणा भण्डारी, इन्दु बर्मा, सरिता मगर, ज्याति पाण्डे, सरस्वती चौधरी, काजल श्रेष्ठ, सबनम राई, कविता कुँवर, अप्सरी बेगम, कविता जोशी र संगिता राई रहेका छन् ।