महिलालाई भारतको कोठीमा लगेर बेच्ने व्यक्ति चार वर्षपछि पक्राउ

काठमाडौँ- नेपाल प्रहरीले मानव बेचबिखन कार्यमा संलग्न एक व्यक्तिलाई पक्राउ गरेको छ ।

प्रहरीको मानव बेचबिखन अनुसन्धान ब्यूरोले नुवाकोट घर भई काठमाडौँ बस्ने ३९ वर्षीय जान्द्रे तामाङ भनिने रामबहादुर तामाङलाई पक्राउ गरि आज सार्वजनिक गरेको हो ।

तामाङले विसं २०७४ साउनमा एक महिलालाई विभिन्न प्रलोभनमा पारेर भारतको कोठीमा लगेर बेचेका थिए ।

बेचबिखनमा परेकी पीडित पछिल्लो समय बिरामी परेपछि चितवनकी एक महिलाको सहयोगमा विसं २०७७ चैतमा उद्धार गरेर काठमाडौँ ल्याइएको थियो ।

पीडितले गत वैशाखमा दिएको जाहेरीका आधारमा तामाङलाई पक्राउ गरिएको हो।