डि मारियाकाे गाेलमा अर्जेन्टिनाले उरुग्वेलाई हरायाे

एजेन्सी- अर्जेन्टिनाले विश्वकप फुटबलको दक्षिण अमेरिकी छनोटमा प्रतिद्वन्द्वी उरुग्वेलाई १-० को अन्तरले हराएको छ ।  खेलको सातौं मिनेटमा कप्तानसमेत रहेका डि मारियाले गरेको गोल निर्णायक बन्यो ।

पाब्लो ड्याबालाको पासलाई सदुपयोग गर्दै डि मारियाले गोल गरेका थिए ।

नियमित कप्तान लियोनल मेस्सी भने खेलको ७६औं मिनेटमा मात्रै मैदान प्रवेश गरेका थिए । यो जितसँगै अर्जेन्टिना विश्वकप छनोटको नजिक पुगेको छ । उसले १२ खेलबाट २८ अंक जोडेको छ । उरुग्वे १६ अंकसहित छनोट तालिकाको छैटौं स्थानमा छ ।

दक्षिण अमेरिकी छनोटबाट ६ खेल अघिनै ब्राजिल विश्वकपमा छनोट भइसकेको छ । अर्जेन्टिनाले तेस्रो स्थानको इक्वेडरभन्दा ८ अंकले अग्रता बनाएको छ ।