टी २० विश्वकप : दक्षिण अफ्रिकाका सामु १४३ रनको लक्ष्य

एजेन्सी- टी २० विश्वकप अन्तर्गत सारजाहमा जारी खेलमा श्रीलंकाले दक्षिण अफ्रिकालाई एक सय ४३ रनको लक्ष्य दिएको छ ।  टर हारेर ब्याटिङको निम्तो पाएको श्रीलंकाले २० ओभरमा एक सय ४२ रनमा मात्र बनाएर अलआउट भयो ।

राम्रो सुरुवात गर्न नसकेको श्रीलंकाले २० रन मा पहिलो विकेट गुमाएको थियो । ओपनर कुशल परेरा मात्र सात रनमा आउट भएका थिए ।

त्यसपछि चरिथ असालान्का पनि २१ रनमा पेभेलियन फर्किएपछि श्रीलंकाले ६१ रनमा दोस्रो विकेट गुमायो । त्यसपछि उसले अरु चार विकेट सस्तैमा खेर फाल्यो ।  

भानुका राजापाक्षले खाता खोल्न सकेनन् भने अभिशक फर्नान्डो तीन रनमा आउट भएका थिए ।

यस्तै वानिन्दु ड सिल्भा चार रनमा आउट भए। कप्तान दसुन सनाकाले ११ रन बनाएका थिए । 

श्रीलंकाका लागि पाथुम निसांकाले सर्वाधिक ७२ रन बनाए । जसमा उनले ५८ बलमा ६ चौका र तीन छक्का प्रहार गरे । 

बलिङमा ताबरेज साम्सी र ड्वायन प्रिटोरिउसले तीन तीन विकेट लिएका थिए ।