प्रिमियर लिगले कोरोना प्रभावित मुलुकका खेलाडीलाई विश्वकप छनौटका खेलमा नपठाउने

कोरोना प्रभावका कारण रातो सूचीमा रहेका मुलुकहरूमा आगामी महिना हुने विश्वकप छनौटका खेलमा इङ्लिस प्रिमियर लिगले आफ्ना खेलाडी नपठाउने निर्णय गरेको छ । ती मुलुकबाट अन्तर्राष्ट्रिय खेल खेलेर फर्किएपनि ईङ्गल्याण्डमा तिनले अनिवार्य १० दिनको क्वारेन्टाइन बस्नुपर्ने भएकोले इजिप्ट, ब्राजिल र अर्जेन्टिनाका खेलाडीले सेप्टेम्बरका विश्वकप छनौटका खेल गुमाउने भएका हुन् । 

इजिप्टियन फुटबल एसोसिएसनका अनुसार, एजिप्टले एङ्गोला र गाबन विरुद्ध विश्वकप छनौटको खेलमा लिभरपुलले आफ्ना स्टार खेलाडी सलाहलाई पठाउन नमानेको जानकारी दिएको छ । इजिप्ट पनि कोरोना संक्रमणको रातो सूचिमा छ । त्यसैगरि, लिभरपुलले फेबिन्हो, फिर्मिनो र गोल किपर एलिसन बेकरलाई पनि विश्वकप छनौटका अन्तर्राष्ट्रिय खेल खेल्न जान दिन अश्विकार गरेको छ । ब्राजिलपनि बेलायतले बनाएको कोरोना संक्रमण जोखिमको रातो सूचीमा छ । 

प्रिमियरको यो निर्णयले झण्डै ६० खेलाडी आफ्नो अन्तर्राष्ट्रिय जिम्मेबारीबाट बञ्चित हुनेछन् । उसको कोभिड–१९ जोखिमको रातो सूचिमा त्यहाँ फुटबल खेल्ने खेलाडीका २६ देशहरू परेका छन् । 

क्लब र मुलुकबीचको खेलाडी तानातानको स्थिति बाहिरिँदै गर्दा प्रिमियर लिगले यस्तो निर्णय आफ्नो हातमा लिएको हो । यस निर्णयबाट म्याचेस्टर सिटीका किपर एडर्सन र फरवार्ड गाब्रियल जिससले पनि ब्राजिलको लागि आगामी अन्तर्राष्ट्रिय खेल गुमाउनेछन् । लिड्सका राफिना, युनाइटेडमा फ्रेड तथा इभर्टनका रिचार्लसन पनि ब्राजिलको लागि खेल गुमाउने खेलाडीको सूचीमा थपिएका छन् । 

त्यसैगरि, टोटेनहमका क्रिस्चियन रोमेरो र गियोभानी लो सेल्सो तथा एस्टन भिल्लाका इमिलियानो मार्टिनेज तथा इमिलियानो बुन्डियाले पनि अर्जेन्टिनाको लागि अर्जेन्टिनाको लागि वल्र्डकप छनौंट गुमाउने भएका छन् । न्युक्यासलका मिगुयल अल्मिरोनले पनि पराग्वेको लागि अन्तर्राष्ट्रिय खेल खेलेमा १० दिन क्वारेन्टाइनमा बस्नुपर्नेछ । यि दुवै देशलाई पनि बेलायतले कोभिड–१९ जोखिमको रातो सूचिमा राखेको छ । 

प्रिमियरको यो निर्णयले झण्डै ६० खेलाडी आफ्नो अन्तर्राष्ट्रिय जिम्मेवारीबाट बञ्चित हुनेछन् । उसको कोभिड–१९ जोखिमको रातो सूचीमा त्यहाँ फुटबल खेल्ने खेलाडीका २६ देशहरू परेका छन् । 

एजेन्सीको सहयोगमा