हालसम्म एक हजार ३०० मतदाताले मतदान गरिसके

चितवन- चितवनमा जारी नेकपा एमालेको १० औं महाधिवेशनमा हालसम्म एक हजार ३०० मतदाताले मतदान गरिसकेका छन् । दुई हजार १७५ मतदाता मध्ये सवा ८ बजेसम्म १३०० ले मतदान गरिसकेका हुन् । 

मतदानका लागि एक जनालाई १० देखि १५ मिनेटसम्म लागिरहेको केन्द्रीय निर्वाचन आयोगका संयोजक डा. विजय सुब्बाले जानकारी दिए ।  एकपटकमा ६९ जनाले मतदान गर्ने व्यवस्था मिलाइएको छ ।  

मतदान बिहान ४ बजेबाट सुरु भएको थियो । १० बजेसम्मका लागि मतदानको समय तोकिएको छ । यद्यपि मतदान नसकिए केही समय थप गरिने संयोजक डा. सुब्बाले जानकारी दिए । आज साँझसम्म अन्तिम मत परिणाम आइसक्ने बताइएको छ ।