कमला ह्यारिस बनिन् अमेरिकी राष्ट्रपतिको अधिकार प्राप्त गर्ने पहिलो महिला

एजेन्सी- अमेरिकी उपराष्ट्रपछि कमला ह्यारिस राष्ट्रपतिको अधिकार प्राप्त गर्ने पहिलो महिला बनेकी छन् । 

अमेरिकी राष्ट्रपति जो बाइडन स्वास्थ्य जाँचका लागि जाँदा ह्यारिसलाई राष्ट्रपतीय अधिकार प्रत्यायोजन गरिएको हो । 

ह्यारिसले करिब ८५ मिनेट राष्ट्रपतीय अधिकार सम्हालेकी हुन् । 

राष्ट्रपति बाइडनको ७९औं जन्मजिनको पूर्वसन्ध्यामा उनलाई  नियमित क्लोनोस्कोपीका लागि शुक्रबार एनेस्थिसिया दिइएको थियो ।

बाइडनका चिकित्सकहरुले एक वक्तव्य जारी गर्दै उनको अवस्था सामान्य रहेको र राष्ट्रपतिका रुपमा आफ्नो नियमित काम गर्न सक्षम रहेको बताएका छन् ।  

कमला ह्यारिस अमेरिकाको उपराष्ट्रपति निर्वाचित हुने प्रथम महिलाका साथै पहिलो अश्वेत र दक्षिण एशियाली अमेरिकी हुन् ।