अब युट्युव भिडियोमा डिसलाइकको संख्या हेर्न नपाईने

एजेन्सी-  युट्युव भिडियोमा अब डिसलाइकको संख्या हेर्न नपाईने भएको छ ।

कम्पनीले ‘डिसलाइक अट्याक’ ह्यारेसमेन्ट रोक्ने उद्देश्यले यस्तो नियम  ल्याएको हो ।

युट्युबले डिसलाइकको संख्या प्राइभेट गर्नेछ तर बटन भने हटाउने छैन् । यसको अर्थ कुनैपनि भिडियो डिसलाइक गर्न सकिन्छ तर डिसलाइक गरेको संख्या भने देखिने छैन् ।

युट्युब क्रियटरहरूले भने युट्युब स्टुडियोबाट डिसलाइक काउन्ट गर्न सक्ने कम्पनीले जानकारी दिएको छ ।

 युट्युवले भिडिओलाई मन नपराउनेको संख्या देखिँदा कन्टेन्ट क्रिएटर एवं भिडिओसँग सम्बन्धित व्यक्तिको सामाजिक प्रतिष्ठा, सुरक्षा र सम्मानमा प्रभाव परेको उल्लेख गरेको छ ।

डिसलाइक गणनाबाट भर्खर सुरूवात गर्दै गरेका कन्टेन्ट क्रियटरको मानसिक स्वास्थ्यमा प्रभाव पर्ने गरेको हालैको युट्युवको सर्वेक्षणले पनि देखाएको छ ।