लाइसेन्सको अनलाइन फारम २४ सै घण्टा भर्न सकिने, यसरी भर्नुहोस्;

काठमाडौं - सवारीचालक अनुमतिपत्र लाइसेन्सको अनलाइन आवेदन फारम २४ घण्टा उपलब्ध हुने भएको छ । सर्भरको समस्या हटेकाले आवेदन जुनसुकै समयका लागि पनि खुल्ला गरिएको यातायात व्यवस्था विभागका आईटी प्रमुख सन्तोष पोखरेलले जानकारी दिए ।

गत २९ कात्तिकमा सवारीचालक अनुमतिपत्रको अनलाइन आवेदन प्रणालीमा अधिक चाप भई दैनिक कार्यमा असर परेको भन्दै विभागले अनलाइन आवेदन प्रणाली बिहान १० देखि बेलुकी ५ बजेसम्म बन्द गरेको थियो ।

त्यसैगरी, विभागले एउटा कम्प्युटरले दिनमा एउटा मात्रै फारम भर्न मिल्ने बनाएको छ । यातायात कार्यालयआसपास पैसा लिएर व्यावसायिक रूपमै फारम भरिरहेको पाइएपछि एउटा कम्प्युटरले दिनमा एउटा मात्रै फारम भर्न मिल्ने बनाइएको उनले जानकारी दिए ।

‘फारम नि:शुल्क हो । केही व्यक्तिले सय/पचास लिएर फारम भरेको पायौँ । त्यही भएर यसो गरेका हौँ,’ उनले भने । 

यसरी भर्नुहोस फारम;