दिल्लीमा हट्यो विकेन्ड कर्फ्यु, आधा क्षमतामा सिनेमा हल पनि खुल्ने

एजेन्सी - नयाँ दिल्लीमा कोरोना संक्रमणको गति कम भएपछि विभिन्न प्रतिबन्धहरू हटाइएको छ । दिल्ली विपद् प्रबन्धन प्राधिकरणको बैठकले कोरोना नियन्त्रणका लागि लागू गरिएको प्रतिबन्धहरूमा खुकुलो बनाउने निर्णय गरेको भारतीय सञ्चारमाध्यमहरूले जनाएका छन् । 

नयाँ व्यवस्थाअनुसार विकेन्ड कर्फ्यु हटाइएको छ । यस्तै सिनेमा हल पनि आधा क्षमतामा सञ्चालन गर्न पाइनेछ । तर, नाइट कर्फ्यु भने यथावत छ । दिल्लीमा पछिल्ला दिनहरूमा कोरोना संक्रमणको गति कम भएको छ ।

दिल्लीमा पछिल्लो २४ घण्टामा ७ हजार ४९८ जनामा कोरोना संक्रमण पुष्टि भएको छ । दिल्लीमा तेस्रो लहरको पिक समयमा दैनिक ३० हजारसम्म कोरोना संक्रमणका केसहरू पुष्टि भएका थिए ।