बैतडीमा बस दुर्घटना, आठ जना घाइते

बैतडी - बैतडीमा बस दुर्घटना हुँदा आठ जना घाइते भएका छन् । 

महेन्द्रनगरदेखि मेलौलीतर्फ जाँदै गरेको ना ७ ख २५७० नम्बरको बस बिहीबार बिहान मेलौली नगरपालिका–२ रौतगाउँमा दुर्घटना हुँदा आठ जना घाइते भएको जिल्ला प्रहरी कार्यालयका निरीक्षक दर्शन खड्काले जानकारी दिए । 

घाइते हुनेमा मेलौली–६ का कमलापति भट्ट, मेलौलीकै मनिषा चन्द, दुर्गादत्त भट्ट, शिवनाथ गाउँपालिकाकी सुशिला चन्द, शिवनाथकै जनक औजी, रामसिंह साउँद, कञ्चनपुरको बेदकोट नगरपालिका दैजीकी पुजा भट्ट र बारा घर भएका सिराज अन्सारी रहेका छन् ।  घाइतेहरूलाई उपचारका लागि डडेल्धुरा जिल्ला अस्पताल पठाइएको प्रहरीले जनाएको छ । बसमा ३२ यात्रु सवार रहेको प्रहरीले जनाएको छ ।

पवनदुत यातायातको बस सडकबाट २० मिटर तल खसेको थियो । बस चालक कञ्चनपुरको शुक्लाफाँटा नगरपालिका-१ का विरेन्द्र लुहारलाई प्रहरीले नियन्त्रणमा लिएको छ ।